संदिग्ध मेरुदण्डमा चोट लागेको बिरामीको परिवहन गर्दा ध्यान पुर्याउनुपर्ने कुराहरु

पटक पढिएको
घायल व्यक्तिलाई अस्पताल परिवहन गर्दा एकदमै होसियार हुनुपर्छ। ब्लन्ट चोट लागेको लगभग २% बिरामीलाई मेरुदण्डको चोट लागेको हुन्छ र टाउकोको चोट लागेको अवस्थामा अझ यसको सम्भावना बढ्छ। स्पाइनल कर्डको चोट लागेका बिरामीहरुमा थप दोश्रो चोट परे अचानक स्नायविक अवस्था बिग्रिने जोखिम हुन्छ। यस्तो थप दोश्रो चोटको सम्भव कारण अस्थिर मेरुदण्डको चोटको अवस्थामा स्पाइनल कर्डलाई बेपर्वाह तरिकाले संभाल्नु हो। नेपालमा चोट लागेको व्यक्तिलाई अस्पताल पुर्याउन संगठित पूर्व-अस्पताल परिवहन सेवाको कमी छ।

मेरुदण्डको चोट कहिले संखा गर्ने ?


चोट लागेको व्यक्तिमा निम्न कुराहरु देखिए, मेरुदण्डमा चोट लागेको हुनसक्छ भन्ने कुरामा ध्यान पुराउनुपर्छ -

१. टाउकोमा चोट लागेको प्रमाण छ र चेतनाको स्तर निरन्तर परिवर्तन भैरहेको छ

२. होस हराएको

३. ढाड वा गर्दनमा दुखाईको शिकायत गर्छ

४. गर्दन सार्दैन

५. ढाड वा गर्दनमा बढी बलको चोट लागेको छ

६. हातखुट्टामा कमजोरी, झमझमाउने, पक्ष्यघात

७. दिशा-पिसाबमा नियन्त्रण हराउनु

८. गर्दन वा ढाड घुमेको छ वा अचम्मको आसनमा राखिएको छ

९. श्वासप्रश्वासमा अप्ठ्यारो

संदिग्ध मेरुदण्डको चोट लागेको अवस्थामा के गर्ने र के नगर्ने ?

१. एम्बुलेन्सलाई बोलाउन्होस्

२. अत्यावश्यक बाहेकको अवस्थामा बिरामीलाई अचल राख्नुहोस्



३. टाउको र गर्दन अचल राख्न गर्दनको दुवै पक्षमा भारी तौलिया राख्न सक्नुहुन्छ



४. बिरामीलाई होस छ र चल्ने सम्भावना छ भने वा बिरामीले बान्ता गरेको ले सर्किन नदिन कोल्टो फर्काउन पर्दा टाउको, गर्दन र ढाडलाई तटस्थ आसनमा आश्रय दिनुहोस्
  • एक जना टाउको तिर बसेर टाउको र गर्दंलाई तटस्थ राख्ने
  • अर्को व्यक्ति बिरामीको शरीरको दायाँ वा बायाँ बसेर ढाडलाई तटस्थ राख्ने

५. बिरामीको टाउकोमा हेल्मेट छ भने त्यसलाई नझिक्नुहोस्

तपाईंको प्रतिक्रिया